4GH 2003

Fleiri myndir!

Wed, 15 Oct 2008 09:27:41 GMT

Fann kareókí albúmið og skellti þeim inná síðuna. Hvað er betra en í ástandi eins og ríkir nú að skoða myndir þar sem við vorum ung og áhyggjulaus! :d8)

kveðja Soffía

Nýjar myndir!!!

Tue, 16 Sep 2008 17:16:02 GMT

Ég var að gramsa ofan í skúffu hjá mér og fann þessar frábæru myndir úr útskriftarferðinni okkar. Mér fannst svo gaman að skoða þær að ég gat ekki bara setið ein að þeim svo ég skannaði þær inn og setti í myndasöfnin á þessari síðu. Verst að ég finn ekki eitt albúmið frá Kareókí kvöldinu. Set þær inn þegar þær myndir koma í leitirnar.

Já og svo verðum við að fara halda svona Tóga kvöld bráðlega :)

Myndir

Thu, 19 Jun 2008 19:57:07 GMT

Hæ hæ....
Er búin að skella inn myndum síðan um helgina. Endilega setjið inn fleiri myndir :)
kv. Eva

Óvissuferðin

Fri, 13 Jun 2008 09:46:06 GMT

Jæja betra er seint en aldrei, hér koma endanlegar upplýsingar um óvissuferðina :)

- Lagt verður af stað frá bílastæði MA stundvíslega kl. 14:00 á sunnud. (15. júní)
- Klæðist íþróttafötum eða öðrum þægilegum fatnaði, við verðum mikið úti
- Klæðist líka eftir veðri, þó ég búist ekki við rigningu (sjö, níu, þrettán)
- Hafið meðferðis:
    - aukaföt frá toppi til táar
    - handklæði og sundföt
    - bakpoka, haldapoka eða annað undir dótið ykkar
    - drykkjarföng fyrir daginn (þótt duglegum einstaklingum verði launað í veigum)
    - gæti verið gott að taka flísteppi eða e-ð slíkt

- Þeir sem vilja tjalda taka slíkan búnað með sér, en öðrum verður skilað aftur til Akureyrar fyrir miðnætti.

Hvað varðar greiðsluna þá var á endanum tekin sú ákvörðun að rukka meira en upphaflega stóð til, svo hægt væri að kaupa veigar og eiga smá afgang upp á von og óvon. Um þetta var nokkuð deilt innan hópsins og er það ástæða þess hve seint þið fáið þessar upplýsingar.

En verðið fyrir daginn er 4500 kr.
Það getið þið annað hvort greitt á staðnum eða millifært á reikning árgangsins:
nr. 0101-05-271355 kennitala 101182-4959
munið að setja nafn og bekk í skýringu svo það verði enginn ruglingur... hugsað sérstaklega fyrir þá sem bera algeng nöfn.

Að þessu sögðu vonast ég til að sjá ykkur öll í sólskinsskapi með bros í hjarta :lol:
Ykkar Aðalbjörg

Heimasíða árgangsins 2003

Wed, 11 Jun 2008 10:09:50 GMT

Hæ

Enginn reiðilestur í þetta sinn ;) heldur bara tenging á heimasíðu árgangsins 2003 sem Birkir í U-inu galdraði fram úr erminni. Þetta er síðan: http://ma2003.net/

og þetta er google groups síðan sem allir geta tjáð sig á: http://groups.google.com/group/ma-studentar-2003

Annars er skráning frágengin í okkar bekk og mæta 21 af 29.

Ég hendi inn öðru bloggi seinna í dag um óvissuferðarupplýsingar :d

Yfir og út
Aðalbjörg

EKKI HAFA ÁHYGGJUR AF ÓVISSUFERÐINNI!

Mon, 09 Jun 2008 20:40:24 GMT

Ef þið eruð búin að skrá ykkur hér, ekki hafa áhyggjur, þið eruð skráð!!! Ég er búin að skrá eða afskrá alla nema Benna og Þórhall.

Það er óþarfi að skrá sig á mörgum stöðum, ég sé alfarið um okkur! Ef þið eruð að skrá ykkur á mörgum stöðum þá er það bara bögg fyrir mig þar sem hin í nefndinni halda að ég sé ekki að massa þetta og láta mig sífellt vita að þið séuð nú búin að skrá ykkur.

Annað, ekki hafa áhyggjur af kostnaði, við erum að tala um 3000-4000 kr. Síðan set ég líklega á miðvikudag inn blogg um allt sem þið þurfið að taka með ykkur, endanlegan kostnað og svoleiðis. Þangað til má alveg slaka á.

Ef þið hafið aðrar spurningar varðandi ferðina, látið þær flakka hér eða sendið mér e-mail, adalbjb@hi.is eða hringið í mig: 867 1879.

Að lokum spyr ég, veit einhver um Benna eða Þórhall, þeir eru wild kortin okkar :)

Farið vel með ykkur,
Aðalbjörg

Tjaldman!!!

Mon, 09 Jun 2008 19:52:21 GMT

Ég vil fara í tjaldútilegu og hér með skora ég á alla sem vettlingi valda og húfu og ullarpeysu, gítar og söngbókum að toga sannan íslendinginn út úr rassgatinu á sér og koma með mér!!!

Kveðja Dunda

ÓVISSUFERÐIN!

Fri, 06 Jun 2008 21:14:59 GMT

Heil og sæl börnin góð :þ

Á sama tíma eftir viku ætla ég að vera í rokkgellugallanum slafrandi í mig áfengi, hlægjandi af vitleysunni í Sigga og Dóra :lol:

Áður en ég get hins vegar leyft mér svoleiðis munað þá þarf ég að klára smá mál varðandi óvissuferðina.... sem bara svo þið vitið verður ótrúleg! Mig vantar staðfestan fjölda allra sem ætla að mæta í ferðina, það þýðir ekkert að slumba á þetta, núna vantar mig tölfræðina.

Svo ég bið ykkur, kommentið hér fyrir neðan hvort þið komið með í ferðina eða ekki! Látið líka vita ef þið verðið ekki með. Þeir sem verða ekki búnir að láta vita á sunnudagskvöldið fá persónulegt símtal frá mér ;)

Ef einhver hefur búið undir steini þá verður ferðin sunnudaginn 15. júní. Ég vil segja sem minnst um hvaða eld og brennistein við ætlum að láta ykkur vaða... en get þó sagt þetta að ferðin hefst kl. 14:00 og tekur allan daginn. Þið fáið nánari upplýsingar í næstu viku!

Ég vil auðvitað helst reikna með að sjá ykkur öll, veit þó þegar að Lisa Anne verður sterkt með okkur í anda, sem og Silli og Stebbi og háskólaneminn Lilja Rós.

Látið í ykkur heyra,
Aðalbjörg :þ

PARTÝ PARTÝ PARTÝ

Wed, 21 May 2008 22:55:29 GMT

HVAR
AKURGERÐI 3A-HEIMA HJÁ JÓNU RÚN

HVENÆR
LAUGARDAGINN 14 JÚNÍ, BYRJAR KL 20.00

ÞEMA
ROKKARAÞEMA

Allir að draga fram rokkgallann frá dimmeteringunni
og vera jafnvel enn flottari nú en þá...ef það er hægt

BOLLA, SNAKK OG LÉTTAR VEITINGAR VERÐA Í BOÐI

Nauðsynlegt að hafa við hönd:
- 500 kr. fyrir geðveikri bollu a la Ásta Rut, léttum veitingum og óvæntum, áfengnum glaðning
-ÁFENGI ÁFENGI ÁFENGI
-GÓÐA PARTÝDISKA
-ROKKGALLANN
-GAMLAR MYNDIR EÐA EITTHVAÐ SKEMMTILEGT FRÁ MA-ÁRUNUM
...OG AÐ SJÁLFSÖGÐU GÓÐA SKAPIÐ

MAKAR LEYFÐIR EFTIR 0:00
ÞEIR SEM VILJA VERA MEÐ SKEMMTIATRIÐI MEGA ENDILEGA HALDA SHOW FYRIR OKKUR...;)
BE THERE OR BE SQUARE!!!

Bekkjartjúttsnefndarpíur tala!

Fri, 02 May 2008 23:08:23 GMT

Jæja börnin góð, þá fer að styttast í stærstu gleði ársins og ekki seinna vænna en að bekkjartjúttsnefnd 4GH fari á stjá og byrji að skipuleggja. Ég held að flestir viti nokkurn veginn hvernig dagskráin er fyrir helgina, en það er ágætt að árétta hana til þess að það séu örugglega allir með hana á hreinu.

14. júní(laugardagur)-Bekkjardjamm
15. júní(Sunnudagur)-Óvissuferð með útskriftarárgangnum
16.júní(Mánudagur)-Kvöldverður í Höllinni

Til að auðvelda alla skipulagningu í kringum BEKKJARDJAMMIÐ langar okkur píunum í bekkjartjúttsnefndinni að kanna hverjir hafa hug á því að mæta 14. júní á BEKKJARDJAMM?

Og þið öll frábæra fólk sem ætlið að koma á bekkjardjammið, hafið þið áhuga á að gista einhvers staðar yfir nótt eða viljið þið vera meira í "heimahúsapartýfíling" fram á nótt og skottast svo heim um morguninn til að lúlla og hvíla ykkur fyrir óvissuferðina? Og hvað tímið þið cirka að borga fyrir BEKKJARDJAMMIÐ?

Koma svo fólk, nýtið tjáningarrétt ykkar og segið hvort þið ætlið að koma eða ekki og hvað þið eruð að hugsa. Þessu er sérstaklega beint til G-hlutans í bekknum ;) Byrjum að skapa smá stemmningu...

Fyrir hönd bekkjartjúttsnefndar,
Jóna Rún

Bekkjartjúttspíur eru Ásta Rut, Jóna Rún og Soffía

Hátíðin 16. júní

Wed, 30 Apr 2008 21:25:33 GMT

Ég var að senda mail í gegnum MA-stúdentar 2003 áðan (ótrúlega stolt af mér að hafa fattað hvernig þetta virkaði allt saman!). Ég fann sem sagt word-skjal á síðu 25 ára stúdenta sem segir frá því hvernig þetta fer allt saman fram og hvar á að panta og svona.

Endilega kíkið á það!

Annars er ekkert að frétta... Eða... Jú... Ég er að fara að klára (KLÁRA) BA-ritgerðina mína á morgun (á morgun segir sá lati)... hún fer í prentun snemma á föstudaginn; kalla það fréttir!

Eru ekki allir í stuði fyrir reunion? Er kominn fiðríngur í liðið? Ég er farin að hlakka svoooo til að ég get varla beðið!

Hver haldiði svo að verði fyllst/fyllstur af okkur í bekknum í fína dressinu á Sextándanum? En í árganginum?

Kv. Fanney

Stúdentahátíð

Sat, 02 Feb 2008 12:47:33 GMT

Rétt hjá þér Lísa, verðum að finna okkur fulltrúa. Ég held að Aðalbjörg sé tilvalin í þetta djobb sökum í ljósi þekkingu hennar á öllum tengdum siðum. Við Siggi erum búin að tilnefna hana á hóp-meilinu vona að þið séuð okkur sammála.

Hins vegar þurfum við að fá "nefnd" til að skipuleggja innbyrðis tjútt. Ég væri til í að vera í þeirri nefnd. Einhverjir fleiri sem bjóða sig fram?

kveðja

Soffía

Google group fyrir MA studentar 2003 argangs.

Fri, 01 Feb 2008 15:23:53 GMT

Hi Guys..

Mig langadi bara ad segja fyrir ykkur sem ekki vita ad Gestur ur 4-F er buin ad setja upp sidu fyrir okkur oll a Google. Atli fra 4-F sagdi a google ef einhver getur verid fulltrui fyrir okkar bekk 4-gh.

Tvi midur get eg ekki verd a nefnd tvi eg er ekki viss hvort eg get komid heim i sumar ut af vinnu.

En ef einhver getur bodid sig fram sem fulltrua.

Takk..

kv fra BNA.

sidan er fyrir nedan.

http://groups.google.com/group/ma-studentar-2003?hl=is

Partý!!!

Tue, 08 Jan 2008 15:22:40 GMT

Þá er bara komið að því! Eða svona næstum því...

Föstudaginn 18. janúar mun ég halda bekkjarpartý fyrir ykkur, elsku dúllurnar mínar!

Þar sem ég bý í blokk og get þess vegna ekki haldið partý langt fram á nótt, væri mjög gott ef gestir gætu mætt um hálf níu, svo við höfum nú alveg örugglega nægan tíma til þess að spjalla og rifja upp gömlu góðu dagana.

Þar sem ég er, eins og mörg okkar, fátækur námsmaður, þá mun ég ekki bjóða upp á áfengi í partýinu, nema í mesta lagi smá tequila sem stendur uppi í skáp hjá mér og hefur gert í nokkurn tíma. Ég ætla samt að bjóða upp á snakk og svona, og jafnvel eiga smá birgðir af gosdrykkjum fyrir þá sem ætla að vera edrú (verður það nokkur?). Ég hef nú hálf-eignast ágætisgræjur í gegnum sambýlismann minn, svo Valli og Aðalbjörg þurfa ekki að koma með slíkt ;)

Ég ætla ekki að banna ykkur að koma með maka, en mæli samt ekki með því, því þannig verður allt öðruvísi andrúmsloft en ella, þið vitið alveg hvað ég meina.

Heimilisfangið er Vesturgata 50a, 101 Rvk, 4. hæð til vinstri, og það stendur Fanney og Halli á bjöllunni. Það er lyfta í húsinu svo ekki panika strax. Endilega látið vita ef þið komist, eða komist ekki, þó aðallega vegna þess að ég er forvitin.

Ef þið lendið í vandræðum með að finna húsið eða eitthvað slíkt þá er símanúmerið mitt 692-6176. Annars hef ég búið þarna síðustu 2 og hálft ár svo einhverjir ættu nú að kannast við sig

Endilega látið nú sjá ykkur!

Fanney

Sumarið 2008

Wed, 21 Nov 2007 10:38:55 GMT

Heil og sæll öll!

Það hefur verið lítið líf á þessari síðu undanfarið en þar sem fólk fer að detta í próflestur, jafnvel sumir byrjaðir, þá býst ég við meira lífi hérna á næstunni.

Ástæða þessarar færslu er sumarið 2008, nánar tiltekið 5 ára afmælið okkar í júní. Veit einhver hvernig það allt fer fram, verður einhver dagskrá (fyrir utan dæmið í Höllinni) á vegum einhverrar nefndar eða tala bekkir sig bara saman um e-ð gigg?

Enn fremur, hverjir ætla að mæta?

Kv. frá Köben,

Siggi